Мамут-Султанда миллий сыныф оладжакъмы?

07.06.2008 16:53
in

Ана тилимизни балалыкътан огренмек керек. Бугуньки куньде миллий кутьлевий хабер васталарынынъ хызмети саесинде къырымтатар тили кет-кете джемиетнинъ чешит яшта олгъан азалары арасында къулланыла. Бизим генчлер арасында ана тилимизде лаф этмек атта мот олаята. Энъ кучюк ватандашларымыз исе биринджилер сырасында севимли “Мейдан” радиостанциясына телефон ачып, селям ёлламагъа тырышалар. Уйкен несиль исе озь балалары ичюн къувана.

Акъмесджит районы Мамут-Султан коюнде эки сенеден берли къырымтатар миллий сыныфы чалыша. Балалар 1-нджи сыныфтан башлап ана тилинде дерс кечелер. Миллий сыныфнынъ оджапчеси Ление Вели къызы Балич балаларны ана тилинде эм язмагъа, окъумагъа огрете, эм де оларгъа къырымтатар урф-адетлери боюнджа тербие бере.

2-июньде 1-нджи миллий сыныфкъа бара-джакъ балаларнынъ ана-бабалары, район ве кой шураларынынъ депутатлары мектеп янында топландылар. Меселе шунда ки, бу сене мектепте миллий сыныф ачылмайджакъ, деген шубе пейда олды.

Бу окъув йылына озь балаларыны ана тилинде окъутмагъа истеген ана-бабадан 12 ариза теслим этильди. Ана-бабаларнынъ делегациясы мектеп директоры Яков Слонимскийнинъ кабинетине кирмек ве оларнынъ балалары миллий сыныфта окъумасыны талап этмек макъсадынен кельдилер. Ниает, чокъ беклевлерден сонъра директор Я.Слонимский ана-бабаларгъа чыкъып, оджаларнен оладжакъ корюшювге ашыкъкъаныны айтты. Ана-бабалар бойле мунасебетке наразылыкъ бильдирдилер ве аризаларнен олгъан анълашылмамазлыкъларгъа анълатувлар бермесини талап эттилер. Мектеп директоры ГТРК “Крым” телекамерасыны къолунен къапатмагъа тырышты. Фурсаттан файдаланып, бутюн ана-бабалар, район ве кой шураларынынъ депутатлары ве журналистлер директор кабинетине кирдилер.

Ана-бабаларнынъ бири, Эльдар Бай бойле деди: “Мен былтыр, озь баламны миллий сыныфкъа бермеге истедим, амма буюк проблемге расткельдим. Яков Михайлович меннен девамлы субетлешип, макъсадымдан вазгечмемни сорады, къаршылыкъ косьтерди, весикъаларны къабул этмеди. 1-сентябрьде мен бизим депутатларымызнынъ ярдымынен весикъаларны теслим эттим. Бугуньде, Аллагъа шукюр, меним балам ана тилимизде окъуй”.

Ана-бабаларнынъ даа бириси бойле бильдирди: “Эки йыл эвель олгъаны киби, биз кене де миллий сыныфны ачмакъ боюнджа иш алып бармагъа башладыкъ. Иш агъыр кетти ве биз чешит маниалар оладжагъыны эвельден бильдик. Ана-бабалар 12 ариза берди. Озь балаларыны ана тилинде окъутмакъ оларнынъ адалетли акъ-укъукъыдыр. Белли шахслар исе аит къурумларгъа малюмат бергенде балаларнынъ сайысыны азлаштыралар. Миллий сыныф ачылмамакъ хавфы пейда олды. Бу себептен джемаатчылыкъ “Миллий сыныф мытлакъа оладжакъ, бу бизим истегимиз ве оны ерине кетирмек борджлусы-нъыз!”, деп айтмакъ ичюн топланды”.

Ана-бабаларнынъ теляшы анълашыла, чюнки эр бир инсан озь тилини бильмек керек. Миллий сыныф исе - къырымтатар тилининъ, медениетининъ, урф-адетлерининъ инкишафыдыр.

Гирей АСАНОВ.

БЛИЦ-ОБЗОР 
  • 12 ноября 2008
    ТВ-новости Крыма в среду:


    – Попытка оставить санаторий Бобровка без земли пресечена судом. – На застройщиков Алупки заведено уголовное дело. – Мэра Ялты обвинили в нарушении договоренностей. – Крымские чиновники посетили Чуфут-Кале. – В Крыму реформируют транспорт. – В Солнечной Долине открыли баш-таш. – Ливадийскую больницу закрывают. – Митинг студентов Крымско-Американского колледжа. – В Кирк-Ишунь почтили память жертв Голодомора. – В крымских музеях найдены «пропавшие» картины немецких художников.

  • 10 ноября 2008
    ТВ-новости Крыма в понедельник:


    – После нападения ялтинской милиции Надир Бирмикулов лежит в реанимации. – Экзотическая выставка «Принцесса Папуа» в Симферополе. – Рыболовы Керчи испытывают кризис сбыта продукции. – В Крыму массово сокращают «офисный планктон». – Расисты разгромили мечеть под Мелитополем. – «Друзья Хайдельберга» провели День святого Мартина. – Выбрано 40 «отцов» малой конституции Ялты. – Новое руководство выгоняет арендаторов Ливадийского, Массандровского и Мисхорского парков.

  • 06 ноября 2008
    ТВ-новости Крыма в четверг:


    – В годовщину побоища на Ай-Петри милиционерам объясняли, что такое толерантность. – Совещание в Маркуре о проблемах крымских татар. – Верховный комиссар ОБСЕ провёл встречи в Крыму по национальному вопросу. – Ремонт и реконструкция в центре Севастополя. – Исполком Феодосии саботирует перевыборы мэра. – Артисты отремонтировали дом культуры. – Годовщина гибели Юрия Османова. – Ялтинский заповедник останется в ведении Крыма. – Отопительный кризис в Ливадии миновал. – Кризис кредитования изменил экономику Крыма. – Башташ как символ крымской топонимики. – Мировой кризис … вызовет туристический бум на крымских курортах.

  • 05 ноября 2008
    ТВ-новости Крыма в среду:


    – В правительственной комиссии по крымской топонимике примут участие академики и картографы. – Население Крыма положительно воспринимает восстановление исторических названий. – Жители Курулу перекрыли дорогу и не дали вывезти имущество громады. – Севастопольская администрация подала в суд на Счётную палату Украины.– Крымский реставрационный центр начал работу над старыми картинами. – Дом и парк Волошина в Коктебеле застраивается коттеджами. – Прошла презентация книги «Башташ язы» о тюркской топонимии Крыма и Европы. – В Балаклаве открыты курсы по посвящению в гусары.

Новости партнеров

подробнее